Шишмә районы Әмин ауылында Айыҡлыҡ көнөнә арнап ҙур байрам ойошторолдо

Шишмә үҙәк район дауаханаһынан килгән табип-нарколог спиртлы эсемлектәр зыяны тураһында һөйләне. Йыйылған халыҡты сәләмәт тормош алып барырға саҡырҙы. Һуңынан дүрт ауыл советынан командалар волейбол майҙансығында осрашты. Килгән ҡунаҡтар өсөн ялан кухняһы эшләне, концерт ойошторолдо. Ғөмүмән, һәр кем күңелле итеп ял итте. Байрам "Айыҡ ауыл" конкурсының муниципаль өлөшө сиктәрендә үтте.